പാർവതി

കടലിൽ നടന്നിട്ടുണ്ടോ ?

നീന്തുവാനാറിയാതെ, 

ഒരു നടത്തം?

നിലം തെറ്റിയ മണ്ണിന് നിലപാടുകൾ പിഴച്ചപ്പോഴെല്ലാം ഞാൻ മണ്ണിന് വേണ്ടി കാലുക്കുത്തി നോക്കി.

"കാൽനനച്ചിട്ടുപോകുക", അത് പറഞ്ഞു .

കടലിന്റെ മുടിത്തുമ്പത്ത് 

പിന്നെ ഞാൻ മുടിയഴിച്ചിട്ടുകിടന്നു.

ഓരോ വട്ടവും തൊലികുതിർന്നു.

അടിവസ്ത്രങ്ങൾ ഭാരിച്ചു.

കഴുത്തിനുപുറകിൽ

നീർച്ചാലുകൾ തുറന്നുവിട്ടു.

മടങ്ങിപ്പോകവേ അതെ-

ന്റുപ്പൂറ്റികൾക്കു മണ്ണിൽക്കു-

ഴിയെടുത്തിട്ടു.

ചെവിക്കയങ്ങളിൽ മണ്ണുംകൂട്ടിയിട്ടു.

എന്റെ വെളുത്തതുടകൾക്ക് 

ചുറ്റിനും കാണികളില്ലായിരുന്നു.

അവർ കടലിലും ഞാൻ 

മണ്ണിലുമായിരുന്നു.